Қирғизистоннинг Ўш вилояти Аравон туманида 3 метрли ўлик бўғма илон топилди, деб ёзади UZ24 маҳаллий «Турмуш» нашрига таяниб.
Нашр хабарига кўра, илон Ўзбекистон билан чегарадаги Жеке-Мисте қишлоғидан, Фарғона каналининг ёнидан топилган.
Қишлоқ ветеринари Маматрайим Тожибоевнинг айтишича, у катта эҳтимол билан, қўшни давлатдан канал орқали сузиб келган. Икки кун олдин қишлоқдаги йигитлар сувдан ўлик бўғма илонни топган, унинг узунлиги 3 метр, эни — 15—20 сантиметр бўлган. «Эҳтимол, Ўзбекистонда кимдир илонлар боқади, улардан бири нобуд бўлганида эса, уни каналга ташлаб юборган», — дейди ветеринар.
Илонни тутган шахслар изоҳ беришдан бош тортган.
Изоҳ (0)