27 январь куни Николаев вилоятининг Снигирёв қишлоғидаги Ингулец дарёсида муз ёриғига тушиб кетган икки бола қутқариб олинди, дея хабар беради «Лига Новости».
Тамила Чернякнинг сўзларига кўра, шу куни саккиз ёшли Даниил Евдокимов, унинг 10 ёшли опаси Аня ва акаси Андрей аввал қирғоқ бўйида ўйнаб, кейин муз бўйлаб дарёнинг ўртасига борган. Аввалига Даниил, кейин эса уни қутқармоқчи бўлган опаси унинг ортидан музга тушиб кетган.
Акаси Андрей ёрдам сўраб аҳоли яшаш жойлари томон югуриб кетган. Бўлаётган воқеаларга гувоҳ бўлган Тамила Черняк ёрдамга ошиққан.
«Мен кўчага телефонда гаплашиш учун чиққан эдим, бирдан болалар йиғисини эшитиб қолдим... Уй кийимида бўлишимга қарамай, дарё томонга югурдим, болаларни қутқариб олгач, уларга қирғоқ томон эмаклаб боришни буюрдим ва ўзим ҳам уларнинг ортидан судралиб бордим», — дейди болаларни қутқараётганда ўзи ҳам сувга тушиб кетган аёл.
«Улар исиниб олишгач отаси ўз уйига олиб кетган. Ҳозирда болаларнинг соғлиғига ҳеч қандай хавф йўқ», — дейилади хабарда.
Изоҳ (0)