Лондондан учиб келган модель Надя Непомняшая Тошкент халқаро аэропортида ушланди

23 январь куни Лондондан учиб келган 29 яшар модель Надя Непомняшая Тошкент халқаро аэропортида қўлга олинди. Бу ҳақда «Газета.uz» хабар бермоқда.

Бош прокуратура матбуот хизматига кўра, чегара назоратидан ўтиш чоғида Тошкентда туғилиб-ўсган модель ўтган йил 9 августда паспортида хорижга чиқиш стикери бўлмаган ҳолда Россия орқали Англияга борганлиги аниқланган.

Надя Непомняшаяга нисбатан Жиноят кодексининг 223-моддаси 1-қисми билан («Белгиланган тартибга риоя этмаган ҳолда хорижга чиқиш, мамлакатга кириш ёки чегарани кесиб ўтиш» — энг кам иш ҳақининг 200 баробаридан 400 баробаригача жарима ёки 3 йилдан 5 йилгача озодликни чеклаш ёҳуд озодликдан маҳрум этиш билан жазоланади).

Ҳозирда тергов ҳаракатлари давом этмоқда.