«Daryo.uz» таҳририятига хаста боласининг шифоси учун ёрдам сўраб Тошкент шаҳрида истиқомат қилаётган Маъмура Ҳожибоева мурожаат қилди.
Она учун фарзандидан азиз неъмат бўлмаса керак. Она меҳри дунёдаги барча туйғулардан устун туради.
4 фарзанднинг онаси Мамура опанинг айтишича, гулдек қизи 2001 йил 16 августда туғилган Фарангиз Маҳамадзоидова 2013 йилнинг июнь ойини кунларининг бирида ҳолсизланадиган, кўп ухлайдиган, оёғида кучли оғриқ мунтазам безовта қиладиган бўлиб қолади. Шундан сўнг онаси Мамура опа бемор қизи Фарангизни шифокорга олиб борса, ревматизм ташхисини қўяди ва бир муддат ревматизмга сўнгра полиатрит касаллигига қарши даволанади. Аммо самарасиз бўлади.
Шундан сўнг онаси яна шифохоналарга йўл олади. Шифокорлар бу менинг касалим эмас, дея аниқ ташхис қўя олишмайди. 2013 йилнинг ноябрь ойида Республика Гематология ва қон қуйиш илмий текшириш институтига олиб бориб текширтирилганида, унга оқ қон касаллиги ташхиси қўйилади.
Она фарзандини соғайтириш учун бор кучи билан ҳаракат қилмоқда, елиб-югурмоқда. Лекин қўли калталик қиляпти. Турмуш ўртоғининг ҳам қон босими касаллиги безовта қилади. Ҳозир пенсияда. Касаллик Фарангизни борган сари енгмоқда. Вақт ўтиб бормоқда.
Фарангиз 2016 йилнинг август ойигача кимёвий терапия муолажаларини тўла курсини олиб, курсларни тугатган ва ҳеч қандай дориларсиз 2017 йилнинг февраль ойигача яхши юрган. Февраль ойини ўрталарида ойидан Фарангиз онасига кўзи яхши кўрмаётганини айтади. Турли тиббий марказларда МRT текширувидан ўткизишади.
Шифокорлар апрель ойида Фарангизнинг касаллиги яна қайталаниб, чап кўзига салбий таъсир қилганига, яна кимёвий терапия муолажаларини қайта олиш кераклигини айтган. Кўзига нур терапия олган, кимёвий муолажаларини қайтадан бошидан бошлаган.
«Касалликнинг қайталангани ёки қайталанмаганлигини аниқроқ билиш учун катта қарз кўтариб фарзандимни даволатгани 2017 йил май ойида Ҳиндистонга олиб бордик. Лекин муолажа ва дори-дармонлар қимматлиги туфайли пулимиз тугаб, даволаниш жараёнининг ярмида қайтишга мажбур бўлдик.
Сахий инсонлар ҳам ёрдам бериб келишаётганди. Аллоҳ охиратда ажрини берсин. Лекин Яратганнинг синови экан. Касаллиги қайталаниб қолди. Охирги чорамиз қолди. Унга чет элда илик кўчириб ўтказишимиз керак экан. Тузалиб кетишига умидимиз катта. Буни шифокорлар ҳам таъкидлаяпти.
Энди Россия федерациясида илик кўчириш операциясида 10 ёшли синглиси Шаҳнозадан қон, тирик ҳужайраларидан етарли микдорда олиб фарзандим Фарангизга ўтказиш керак экан.
«Фарзандим олдинги курсларини тугатгунча анча қийналдик. Кимётерапиядан ташқари аҳволини яхшилаш учун қўшимча муолажа қилиб бориларди. Албатта, бу муолажалар жуда катта маблағни талаб қиларди. Танишлардан ва қариндошлардан катта микдорда қарз олиб даволаниш муолажаларига сарфладик. Хозирда моддий томондан жуда қийналиб қолдик.
Сотадиган ҳеч нарсамиз қолмади. Яхши инсонлардан имкон қадар холис моддий ёрдам беришларини илтимос қилиб қоламан», — деди Маъмура Ҳожибоева.
Синглиси Шаҳнозанинг қон анализлари 100 фоиз тўғри келган. Аммо бундай операцияга 70 минг АҚШ долларидан ортиқ жудаям кўп маблағ талаб этилади. Оилани эса бу пулни тез орада топиб беришга имконияти йўқ.
Қизалоқнинг бир кўзи кўрмай қолган, энди иккинчи кўзи ҳам хиралашиб, -6 га тушган, ҳатто, яқин масофадаги нарсани ҳам кўришга қийналиб қолган.
Иккала кўзида ҳам тез орада операсия ўтказиш зарур.
Азизлар, ҳаётдан умиди кўп, орзулари бисёр Фарангизни чин юракдан дуо қилайлик. Фарангиз яхшиларнинг кўмагига муҳтож. Қўлимиздан келгунча, имкониятимиз етгунча унга ёрдам берайлик.
Хайрия қилмоқчи бўлганлар учун керакли маълумотлар:
Онасининг телефон рақами: 99 8451246
Пластик карта орқали:(Click, Payme)
Онаси Маъмура Ҳожибоева номига очилган.
Агробанк: 8600 0423 5264 7100
Агробанкнинг Тошкент шаҳар филиалида Маъмура Ҳожибоева номига очилган реквизитлари:
МФО: 00394 ИНН: 201200124
Бошқа ташкилотлар-фирмалардан келиб тушган маблағлар транзити:
23120000 900000 394001
Мижоз аризасига асосан картадан картага пул ўтказилганда:
23118000 400000 394001
Хориждан банкдан маблағ юбормоқчи бўлганлар учун паспорт маълумотлари:
KHADJIBAYEVA MA’MURA
Паспорт рақами: АА 5548750
Онаси Маъмура Хаджибаеванинг телефон рақами: +99899 8451246
Изоҳ (0)