Россия ва Япония тинчлик шартномаси тузишдан манфаатдор эканлигини билдирди. Россия президенти Владимир Путин Япония бош вазири Синдзо Абэ билан музокаралардан кейин бу борада қизғин иш олдинда турганини маълум қилган, деб ёзмоқда «РИА Новости».
Путиннинг сўзларига кўра, ўзаро манффатли келишувга эришиш учун шартларни шакллантириш бўйича қизғин ишларни амалга ошириш керак. Асосий вазифа Россия—Япония муносабатларининг сифатли даражадаги ривожини таъминлаш ҳисобланади.
Сингапурда бўлиб ўтган учрашувда Путин ва Абэ СССР ва Япония ўртасида 1956 йилда қабул қилинган ва тинчлик шартномасини имзолашни кўзда тутувчи қўшма баёнотларнинг бири асосида музокараларни бошлашга қарор қилган.
Изоҳ (0)