Мексиканинг Идальго штатида нефть қувурида юз берган портлаш ва ёнғин оқибатида ҳалок бўлганлар сони 96 кишига етди, дея хабар беради «РБК».
Аввалроқ 91 кишининг вафот этгани ҳақида хабар берилганди.
Касалхоналарда яна 52 нафар жабрланганлар бор, улардан айримларининг аҳволи оғир деб баҳоланмоқда.
Pemex давлат нефть компаниясининг нефть қувурида юз берган портлаш 18 январь куни қувурнинг ноқонуний кесилган жойида юз берган. Портлаш вақтида ҳодиса жойида камида идишларга ёқилғи тўплаётган 350 нафар маҳаллий аҳоли бўлган.
Мексика ҳукуматининг баҳолашича, 2018 йилда мамлакатда нефтўтказгичларда 12,5 минг ноқонуний кесиш ҳолатлари аниқланган.
Ёқилғи ўғрилиги оқибатида Pemex’нинг зарар 3,1 миллиард АҚШ долларни ташкил қилган.
Изоҳ (0)