Яқин икки йил ичида Американинг хусусий Orion Span компанияси биринчи навбатда люкс-меҳмонхона бўладиган орбитали станция қуришни режалаштирмоқда, дея хабар беради «Лига Новости».
Ердан 320 километр баландликда жойлашган меҳмонхона Aurora Station орбитал мажмуасининг модулларидан бирида бўлади.Станциянинг муҳрланган қисмлари ҳажми қарийб 160 куб метрни ташкил қилади.
Лойиҳа муаллифларига кўра, ҳар бир сайёҳ коинотда 12 кун давомида яшаши учун 9,5 миллион АҚШ доллар тўлаши лозим.Сайёҳларга вазнсизлик, Ерни космосдан кузатиш, икки юзга яқин қуёш чиқишининг гувоҳи бўлиш, шунингдек, айрим илмий тажрибаларда иштирок этиш ваъда қилинади.
Станцияга бориш учун номзод нафақат пул тўлаши, балки уч ойлик тайёрлов курсини ҳам ўтиши керак.Orion Span Aurora cтанциясининг бир қисмини сотиб олиш учун ҳомийлар изламоқда.
Ғоя муаллифлари хусусий космик станция ҳақида илк бор 2018 йилнинг март ойида эълон қилган. Унинг шахсий модулларини Хьюстонда қуриш режалаштирилмоқда.
Изоҳ (0)