Meksikaning Idalgo shtatida neft quvurida yuz bergan portlash va yong‘in oqibatida halok bo‘lganlar soni 96 kishiga yetdi, deya xabar beradi “RBK”.
Avvalroq 91 kishining vafot etgani haqida xabar berilgandi.
Kasalxonalarda yana 52 nafar jabrlanganlar bor, ulardan ayrimlarining ahvoli og‘ir deb baholanmoqda.
Pemex davlat neft kompaniyasining neft quvurida yuz bergan portlash 18-yanvar kuni quvurning noqonuniy kesilgan joyida yuz bergan. Portlash vaqtida hodisa joyida kamida idishlarga yoqilg‘i to‘playotgan 350 nafar mahalliy aholi bo‘lgan.
Meksika hukumatining baholashicha, 2018-yilda mamlakatda nefto‘tkazgichlarda 12,5 ming noqonuniy kesish holatlari aniqlangan.
Yoqilg‘i o‘g‘riligi oqibatida Pemex’ning zarar 3,1 milliard AQSh dollarni tashkil qilgan.
Izoh (0)