NASA олими сайёралар ҳаракатини гифлар ёрдамида кўрсатиб берди

NASA мутахассиси Сатурннинг йўқолган ҳалқалари, сайёраларнинг ўлчами ва Марснинг ёруғлик ҳаракатини ижтимоий тармоқлардаги гифкалардан фойдаланиб кўрсатиб бермоқда. Бу ҳақда «TJournal» хабар берди.

Жеймс О’Донохью — NASA фазо парвоз марказининг сайёрашунос олими. 2014 йилда у Лестер Университетида физика бўйича докторлик унвонини олган ва уч йил ўтиб космик агентликда ишлай бошлаган. У ҳаётининг кўп қисмини қуёш тизимининг сайёраларини ўрганишга бағишланган. Бир неча ойдан буён у ижтимоий тармоқларда ва Reddit’да оммалашаётган гифлар ёрдамида билимларни барча билан баҳам кўрмоқда.

Олимнинг айтишича, у яқингача анимациялар билан ишлашни билмаган. Илк бор 2018 йилнинг декабрида олим NASA матбуот-релизи учун Сатурннинг йўқолган ҳалқаларига бағишланган гиф яратган. Сайёрашунос уларни беш йилдан ортиқ ўрганиб чиқди ва 100 миллион йилдан сўнг сайёрамизнинг ҳалқалари деярли йўқ бўлиб кетишини кўрсатди. Анимацияни, у Twitter’да чоп этган.

https://twitter.com/physicsJ/status/1074782682570207232

Кейинги гифларда О’Донохью барча Қуёш тизими сайёраларида кун қанча давом этишини кўрсатган.Олимнинг яна бир иши ҳам қуёш тизими объектларига бағишланади — бу сафар уларнинг ўлчамларини таққослашга. «Менинг анимацияларим тушунтирмоқчи бўлган нарсаларимни имкон қадар тезроқ етказиш учун амалга оширилган. Имтиҳонларга тайёргарлик кўрганимда, барча мураккаб консепияларни қўл билан чизиб чиққанман», — дейди олим.

https://twitter.com/physicsJ/status/1079061451845890048

2019 йилнинг январида сайёрашунос ёруғлик тезлигини тушунтиришга киришди. Космосда бу кўрсаткич бир сонияда 299792 километрни ташкил қилади.Ер юзасидан Ойнинг юзасигача масофани босиб ўтиш учун ёруғликка 1,255 сония талаб этилади. О‘Донохью буни реал вақтда намойиш этди.

https://twitter.com/physicsJ/status/1083517701333622785

Шундан сўнг, у Ердан Марсгача бўлган ёруғлик ҳаракатини кўрсатишга қарор қилган. Муаммо шундаки, бу ҳолатда ёруғлик тезлиги жуда секин 3 дақиқа 2 сонияда ўтади.

https://twitter.com/physicsJ/status/1085001643270303744

О’Донохью роликни YouTube’га жойлади, сабаби Twitter’га бундай узун видеолар жойлашнинг имкони йўқ.