Ўзбекистонда ишлаб чиқариладиган ва сотиладиган олтин ҳажмлари билан боғлиқ махфийлик режими бекор қилинади. Бу ҳақда Президент Шавкат Мирзиёев томонидан 17 январь куни имзоланган қарорда сўз боради.
«Газета.uz»нинг хабар беришича, ушбу топшириқни амалга ошириш бўйича чоралар бир ой муддат ичида қабул қилиниши лозим.
Ҳужжатда кон-металлургия тармоғи йирик корхоналарининг режим-махфий бўлимлари ходимларининг штат бирликларини оптималлаштириш топширилган.
Аввалроқ Молия вазирлиги ҳукумат қарори лойиҳасида алоҳида маълумотларни эълон қилиш бўйича тақиқни олиб ташлашни таклиф этган эди.
Улар орасида:
- Фойдали қазилмаларнинг умумий захиралари, уларни қазиб олиш (ишлаб чиқариш) ва сотиш, шунингдек маблағларни тақсимлаш тўғрисидаги маълумотлар;
- Тикланиш ва тараққиёт жамғармаси, Олмалиқ ва Навоий тоғ-металлургия комбинатларининг 2013 йилдан кейинги молиявий ҳисоботларини миллий ва халқаро стандартлар асосида;
- Олтин-захира захиралари ва уларнинг тузилмаси ҳақидаги 2017 йил 1 январгача бўлган маълумотлар;
- Давлат ва давлат кафолатлаган қарздорликларнинг (ички ва ташқи) умумий ҳажми, уларнинг манбалари, валюталар шакли, фоиз ставкалари, қоплаш шартлари, пулларни қайтаришнинг ташкилотлар кесимида қарздорлик мажбуриятларини ўз ичига олган тўғрисидаги маълумотлар.
Изоҳ (0)