Ўзбекистонда 2018 йилда ўғил болаларга энг кўп Мустафо исми, қиз болаларга эса Солиҳа исми қўйилган. Бу ҳақда Адлия вазирлигининг Telegramдаги канали хабар бермоқда.
Хабар беришларича, 2018 йил давомида туғилган 7785 нафар чақалоққа Мустафо, 7030 нафар қизалоққа эса Солиҳа исми қўйилган. Яна қайси исмлар кўп қўйилгани ҳақида қўшимча маълумот берилмаган.
«Kun.uz»нинг ёдга солишича, 2017 йил якунларига кўра Азизбек ва Мадина Ўзбекистонда чақалоқларга энг кўп қўйилган исмлар рўйхатида етакчи бўлганди.
Маълумот учун, 2018 йил давомида ФҲДЁ органларида 400,9 минг нафар ўғил бола, 367,4 нафар қиз бола учун, жами 768,3 минг нафардан кўпроқ туғилганлик қайд этилган бўлиб, бу Ўзбекистон тарихидаги рекорд кўрсаткичдир.
Изоҳ (0)