16 январь, чоршанба куни футбол бўйича Франция чемпионати 17-турининг қолдирилган 4 та учрашуви бўлиб ўтди.
Тьерри Анри бошлиқ «Монако» жамоаси ўз майдонида Лилиан Тюрам етакчилигидаги «Ницца»ни қабул қилди.
Учрашувнинг 30-дақиқасида меҳмон жамоа аъзоси Аллан Сен-Максимин «князликлар» дарвозасини ишғол қилди. 1-бўлимнинг сўнгги дақиқаларида «Ницца» клуби ҳужумчиси Иҳсан Сакко ҳакам томонидан қизил карточка билан жазоланиб, майдондан четлатилди ва жамоа ўйин охирига қадар майдонда бир киши кам бўлиб ҳаракат қилди.
2-бўлимнинг 50-дақиқасида «Монако» футболчиси Беноит Бадиашейл ҳисобни тенглаштирди. Шу тариқа томонлар 1:1 ҳисобидаги дуранг натижа қайд этди ва 1 очкодан бўлишиб олди.
«Лион» эса «Тулуза» майдонига сафар қилиб, 2:2 ҳисобида дуранг қайд этди. Мезбонлар сафида Дурмаз дублга эришган бўлса, «Лион» таркибида эса Дембеле ва Фекир гол уришга муваффақ бўлди.
Лига 1
17-тур баҳслари
16 январь, чоршанба
«Монако»—«Ницца» 1:1
Голлар: 0:1 – 30 Сен-Максимин, 1:1 – 50 Бадиашейл.«Ним»—«Нант» 1:0
Гол: 1:0 – 65 Алакуш.«Тулуза»—«Лион» 2:2
Голлар: 1:0 – 12 Дурмаз, 2:0 – 74 Дурмаз, 2:1 – 75 Дембеле, 2:2 – 87 Фекир.«Генҳам»—«Ренн» 2:1
Голлар: 1:0 – 40 Эбоа, 2:0 – 59 Део, 2:1 – 86 Нянг.«Сент-Этьенн»—«Марсель» 2:1
Голлар: 0:1 – 17 Стротман, 1:1 – 59 Ҳазри, 2:1 – 88 Ҳазри.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)