16 январь, чоршанба куни футбол бўйича Осиё Кубоги—2019 мусобақасининг «D» гуруҳида 3-тур якунланди.
Ортда қолган 2 турда бир хил 6 очкодан жамғарган Эрон терма жамоаси Ироқ термаси билан беллашиб, 0:0 ҳисобида дуранг қайд этди. Голлар ҳисобидаги устунлик сабаб Эрон гуруҳда биринчи бўлди. Ироқ эса иккинчи ўрин билан плей-оффда рақибини кутмоқда.
Вьетнам термаси Яман терма жамоаси билан куч синашиб, 2:0 ҳисобида ғалаба қозонди. Вьетнам терма жамоаси эса гуруҳда уч очко тўплаб, 3-поғонани банд этди. Энди улар бошқа гуруҳлардаги вазиятни кузатиши керак.
Эслатиб ўтамиз, мусобақа регламентига кўра, 6 та гуруҳдан энг яхши 4 та натижага эга 3-ўрин соҳиблари ҳам плей-оффда ўйнайди.
Осиё Кубоги—2019
3-тур баҳслари
16 январь, чоршанба
«D» гуруҳи
Вьетнам—Яман 2:0
Голлар: 1:0 — 38 Нгуэн, 2:0 — 65, пенальти Нгок.Эрон—Ироқ 0:0
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)