16-yanvar, chorshanba kuni futbol bo‘yicha Fransiya chempionati 17-turining qoldirilgan 4 ta uchrashuvi bo‘lib o‘tdi.
Tyerri Anri boshliq “Monako” jamoasi o‘z maydonida Lilian Tyuram yetakchiligidagi “Nitssa”ni qabul qildi.
Uchrashuvning 30-daqiqasida mehmon jamoa a’zosi Allan Sen-Maksimin “knyazliklar” darvozasini ishg‘ol qildi. 1-bo‘limning so‘nggi daqiqalarida “Nitssa” klubi hujumchisi Ihsan Sakko hakam tomonidan qizil kartochka bilan jazolanib, maydondan chetlatildi va jamoa o‘yin oxiriga qadar maydonda bir kishi kam bo‘lib harakat qildi.
2-bo‘limning 50-daqiqasida “Monako” futbolchisi Benoit Badiasheyl hisobni tenglashtirdi. Shu tariqa tomonlar 1:1 hisobidagi durang natija qayd etdi va 1 ochkodan bo‘lishib oldi.
“Lion” esa “Tuluza” maydoniga safar qilib, 2:2 hisobida durang qayd etdi. Mezbonlar safida Durmaz dublga erishgan bo‘lsa, “Lion” tarkibida esa Dembele va Fekir gol urishga muvaffaq bo‘ldi.
Liga 1
17-tur bahslari
16-yanvar, chorshanba
“Monako”—“Nitssa” 1:1
Gollar: 0:1 – 30 Sen-Maksimin, 1:1 – 50 Badiasheyl.“Nim”—“Nant” 1:0
Gol: 1:0 – 65 Alakush.“Tuluza”—“Lion” 2:2
Gollar: 1:0 – 12 Durmaz, 2:0 – 74 Durmaz, 2:1 – 75 Dembele, 2:2 – 87 Fekir.“Genham”—“Renn” 2:1
Gollar: 1:0 – 40 Eboa, 2:0 – 59 Deo, 2:1 – 86 Nyang.“Sent-Etyenn”—“Marsel” 2:1
Gollar: 0:1 – 17 Strotman, 1:1 – 59 Hazri, 2:1 – 88 Hazri.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)