Польшанинг Гданьск шаҳри мэри Павел Адамович 13 январь куни уюштирилган суиқасддан кейин касалхонада вафот этди. Бу ҳақда «РИА Новости» хабар берди.
Пичоқ билан қуролланган эркак шаҳар мэрига хайрия концерти вақтида ҳужум қилган. Шаҳар раҳбари бир нечта жойида, шу жумладан, юрак соҳасида пичоқдан жароҳат олган.
Шифокорлар узоқ вақт Адамовични ҳодиса жойида жонлантиришга уринган, кейин эса у касалхонага олиб борилган.
Ҳужум қилган эркак қўлга олинган, унинг ҳужуми сабаблари расман маълум қилингани йўқ.
Тадбирда иштирок этган журналистларнинг хабар беришича, эркак ҳужум қилишдан олдин ноқонуний равишда қамоқ жазосига ҳукм қилинганини айтган. Қотил Гданьскда яшовчи 27 ёшли эркак эканлиги маълум. У бир неча ҳафта олдин қамоқдан чиққан.
Изоҳ (0)