Қўшма Штатлар Президенти атрофида Эронга қарши зарбалар масаласи муҳокама қилинмоқда. Бу ҳақда «Эхо Москви» хабар берди.
Мамлакатнинг бир қатор собиқ ва амалдаги мансабдор шахсларининг маълум қилишича, Америка Миллий Хавфсизлик Кенгаши Пентагондан Ислом Республикасига қарши амалга оширилиши мумкин бўлган зарбалар рўйхатини тақдим этишни сўраган.
Ушбу ҳодиса Бағдоддаги хориж элчихоналари, жумладан АҚШ элчихонаси жойлашган ҳудуддаги портлашлар ортидан содир бўлган.
Вашингтон ушбу ҳолатга Эрон билан боғлиқ террорчилик гуруҳи алоқадор деб ҳисоблайди. Ушбу талқин АҚШ президентининг миллий хавфсизлик бўйича маслаҳатчиси Жон Болтон томонидан илгари сурилган.
Мазкур ҳолатдан Дональд Трамп хабардор ёки йўқлиги номаълум. Пентагонга сўров мурожаати эса идорада ҳам, Давлат Департаментида ҳам ҳавотир уйғотди.
Изоҳ (0)