Тошкент вилояти ИИБ Йўл ҳаракати хавфсизлиги бошқармаси ва унинг жойлардаги бўлим, бўлинмалари йўл-транспорт ҳодисаларининг олдини олиш ва фуқаролар хавфсизлигини таъминлаш мақсадида 10 январь куни махсус рейд ўтказди. Бу ҳақда ЎзА хабар берди.
Тадбирда асосий эътибор транспорт воситаларининг техник ҳолатига қаратилган бўлиб, амалдаги қоидаларга риоя қилмаган 194 нафар ҳайдовчига маъмурий баённомалар расмийлаштирилган.
Аниқланган қоидабузарликларнинг 45 тасини транспорт воситасига ўрнатилган газ баллонининг навбатдаги синов муддати ўтиб кетганлиги ёки газ баллонига тегишли ҳужжатлари йўқлиги, 49 тасини транспорт воситасини техник носоз ҳолда бошқариш, 12 тасини эса ишлаб чиқарувчи завод томонидан назарда тутилмаган ҳолда транспорт воситасини ўзбошимчалик билан қайта жиҳозлагаб бошқариш ва бошқа кўринишдаги қоидабузарликлар ташкил этади.
Хабарда айтилишича, Тошкент вилояти ИИБ Йўл ҳаракати хавфсизлиги бошқармаси ва унинг жойлардаги бўлим, бўлинмалари томонидан бу борадаги рейдлар давом эттирилади.
Изоҳ (0)