ЎзМТДП Андижон вилоят кенгаши томонидан Президентнинг Олий Мажлисга Мурожаатномасида белгилаб берилган вазифаларнинг ижросини таъминлашда партия фаоллари ва депутатлари олдида турган устувор вазифалар тўғрисида семинар ташкил этилди. Бу ҳақда ЎзМТДП Андижон вилоят кенгаши матбуот хизмати хабар беради.
Унда партия вилоят кенгаши фаоллари ва депутатлари, Андижон Давлат университети профессор ўқитувчилари ҳамда оммавий ахборот воситалари ходимлари иштирок этди.
Семинар давомида маърузачилар томонидан Мурожаатномада кўрсатиб ўтилган 2018 йилда эришилган ютуқлар ва 2019 йилда амалга ошириладиган, кечиктириб бўлмайдиган вазифалар, сиёсий партияларнинг келгуси фаолияти давомидаги муҳим вазифалар тўғрисида сўз юритилди.
Шунингдек, халқнинг сиёсий-ижтимоий ҳаётида ғоят муҳим аҳамиятга эга бўлган сайлов жараёнларини миллий қонунчилик ва халқаро стандартлар асосида юқори савияда ўтказиш учун ҳар томонлама тайёргарлик кўриш ишларини олиб боришга қаратилган масалаларга атрофлича тўхталиб ўтилди.
Семинар сўнгида иштирокчиларнинг билдирилган таклиф ва мулоҳазалар инобатга олиниб, аниқ чора-тадбирлар ишлаб чиқилиши ҳамда Мурожаатноманинг мазмун-моҳиятини аҳолини барча қатламларига етказишда тарғибот ишларини кучайтириш муҳим вазифа этиб белгиланди.
Изоҳ (0)