11 январь, жума куни футбол бўйича Осиё Кубоги 2-турининг «C» гуруҳидаги иккинчи беллашув ҳам якунига етди.
Унда Қирғизистон терма жамоаси Жанубий Корея термасига 0:1 ҳисобида мағлуб бўлди.
Учрашувдаги ягона гол 41-дақиқада киритилди. Ушбу голга Жанубий Корея термаси ҳимоячиси Мин-Жаэ Ким муаллифлик қилди.
Шу тариқа Жанубий Корея терма жамоаси мусобақа гуруҳ босқичининг 2-турида ҳам ғалаба қозонган ҳолда плей-офф йўлланмасини қўлга киритди.
Эслатиб ўтамиз, ушбу гуруҳнинг дастлабки ўйинида Хитой Филиппинни мағлубиятга учратиб, плей-оффга чиққанди.
Осиё Кубоги—2019
«C» гуруҳи, 2-тур
11 январь, жума
Қирғизистон—Жанубий Корея 0:1
Гол: 0:1 — 41 Мин-Жаэ Ким.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)