Россиянинг «Татнефть» нефть компанияси Ўзбекистонда автомобилларга ёқилғи қуйиш станциялари тармоғини очишни режалаштирмоқда. Бу ҳақда «Газета.uz» хабар берди.
«Татнефть» биринчи босқичда Тошкент вилоятида ёқилғи қуйиш шаҳобчаларини очишни режалаштирган.«Татнефть» ёқилғини ўзи олиб киради, Ўзбекистондан эса тайёр маҳсулотларни сақлаш учун резервуарларни ижарага олади.
Савдо-саноат палатаси ва Адлия вазирлиги матбуот хизматидан хабар берилишича, Россия компанияси 26 декабрь куни Нурафшон шаҳрида ўзининг «Татнефть—АЁҚШ—Тошкент» МЧЖ шўъба корхонасини рўйхатдан ўтказган.
Вилоят ҳокимлиги лойиҳани амалга ошириш мартда бошланишини маълум қилди. Дастлабки босқичда Тошкент вилояти ҳудудларида 22 та АЁҚШ очилади.
«Татнефть» — нефть ва газ қазиб чиқариш, нефтни қайта ишлаш ва нефть-кимё саноати билан шуғулланувчи йирик нефть холдингларидан бири саналади. Компаниянинг Россия ва бошқа мамлакатларда 690 дан ортиқ ёқилғи қуйиш шохобчалари мавжуд.
Изоҳ (0)