СССР Олий Советининг охирги раиси Анатолий Лукьянов 9 январь куни 89 ёшида вафот этди. Бу ҳақда «РИА Новости» хабар бермоқда.
1953 йилда Москва давлат универститети юридик факультетини тамомлаган Анатолий Лукьянов 1956 йили СССР Министрлар кенгашида иш бошлади, 1961 йилдан бошлаб эса СССР Олий Совети Президиумида фаолиятини давом эттирди.
1976—1977 йилларда СССР Конституцияси лойиҳасини тайёрлашда иштирок этди.
1990 йилда, Михаил Горбачёв Совет Иттифоқи президенти этиб сайланганидан сўнг СССР Олий Советини бошқарди. 1991 йили ГКCHP фаолиятида иштирок этган ва ҳокимиятни эгаллашга урингани учун ҳибсга олинганди. 1994 йилда авф этилди.
У 1993 йилда Россия давлат думаси депутати этиб сайланган, 1994—2000 йилларда Россия Коммунистлар партияси марказий қўмитаси президиуми таркибига кирганди.
Изоҳ (0)