Сирдарёдан Оролбўйига машиналар карвони йўлга чиқди

Янги йил арафасида Сирдарёдан Оролбўйига машиналар карвони йўлга чиқди. Бу ҳақда вилоят ҳокимлиги ахборот хизмати маълум қилди.

Қорақалпоғистоннинг Мўйноқ тумани аҳолисига янги йил туҳфаси сифатида 9 та юк машинасида 200 миллион сўмликдан зиёд озиқ-овқат маҳсулотлари ва асбоб-анжомлар юборилди.

Бунга бағишланган тадбирда сўзга чиққан нуронийлар, зиёлилар, ёшлар ва хотин-қизлар вакиллари, уламолар бундай хайрли тадбир билан кетаётган карвонга оқ йўл тилади.