Ҳукумат «Наманган» эркин иқтисодий зонаси таркибига кирувчи ҳудудларни тасдиқлади

Ўзбекистон Вазирлар Маҳкамаси «Наманган» эркин иқтисодий зонаси фаолиятини ташкил этиш чора-тадбирлари тўғрисидаги қарорни қабул қилди. Ушбу ЭИЗ Ўзбекистон Президентининг 20 августдаги фармони билан ташкил этилган эди.

Ҳукумат қарори билан бошқарув ходимлари сони беш нафардан иборат бўлган «Наманган» ЭИЗ дирексияси» давлат унитар корхонаси ташкил этилади. Бундан ташқари, ЭИЗ таркибига кирувчи ҳудудлар ҳам тасдиқланган.

Қарорга мувофиқ, Молия вазирлиги Вазирлар Маҳкамасининг захира жамғармасидан дирексияга 2019—2020 йиллар даврида сақлаш харажатлари учун зарур маблағлар ҳамда дирексиянинг устав фондини шакллантириш учун 1 миллиард сўм миқдорида маблағ ажратади.