Олмаотадаги шаҳарга Ўзбекистон Республикасининг Биринчи Президенти Ислом Каримов номи берилди. Бу ҳақда Tengrinews хабар берди.
Олмаота маслаҳатининг XXXIV навбатдан ташқари сессиясида 185 та кўчани қайта номлаш маъқулланди. Қайта номланган 183 кўчадан 20 тасига машҳур инсонларнинг номлари, қолган 163 та кўчага тарихий-географик ва миллий-оммабоп номлар берилди.
Янги номлар шунингдек иккита шоҳкўчанинг узайиши натижасида юзага келди. Ушбу чора қўшилган туманлардаги такрорланадиган кўча номлари муаммосини ечиш имконини берди. Кўчаларни қайта номлаш ишлари 2018 йилнинг бошида аҳолининг шикоятлари ва юзага келган ноқулайликлар сабаб бошланган. Номсиз ва эгизак кўчалар шаҳарликларда жуда катта ноқулайликлар туғдирарди. Қийинчиликлар асосан тез ёрдам, ёнғин хизмати ва ҳуқуқ-тартибот органлари чақирувида юзага келган. Олмаотада 2,5 мингта кўча бор.
Янги қўшилган ҳудудларни ҳисобга олганда шаҳарда 12 та Абай, 3 та Авезов, 13 та Жабаев, 6 та Курмангази кўчалари бўлган. Таъкидланишича, энди шаҳарликлар ноқулай ҳолатларни бошдан кечиришига тўғри келмайди. Кўча алмашгани ҳақидаги маълумотни «Электрон ҳукумат» орқали олиш мумкин.
Изоҳ (0)