Миср Ички ишлар вазирлиги (ИИВ) Гизадаги сайёҳлар автобуси портлатилганидан сўнг ўтказилган рейдлар давомида мамлакатнинг турли ҳудудларда 40 нафар террорчи ўлдирилгани маълум қилди. Бу ҳақда Meduza хабар бермоқда.
Рейдлар Гиза ва Шимолий Синай вилоятларида ўтказилган. ИИВ ахборотига кўра, жангарилардан ўқотар қуроллар ва портловчи ускуналар олиб қўйилган.
Расмийларнинг таъкидлашича, жиноятчилар бошқа терактларни амалга оширишни, хусусан, насроний черковларида портлашлар уюштиришни режалаштирган бўлган.
Маълумот учун, 28 декабрь куни Гизадаги эҳромлар яқинида сайёҳлар автобусининг портлатилиши оқибатида вьетнамлик уч нафар турист ҳалок бўлган, яна 10 киши турли даражада жароҳат олганди.
Изоҳ (0)