АҚШ президенти Дональд Трамп Пентагонга Афғонистондан Америка қўшинларини олиб чиқиш бўйича кўрсатма бермаган. Бу ҳақда АҚШ Миллий хавфсизлик кенгаши матбуот котиби Гарретт Марки Bloomberg агентлигига маълум қилди.
Афғонистондаги халқаро ҳарбий контингент қўмондони генерал Скотт Миллер ҳам бундай топшириқ олмаганини тасдиқлади.
21 декабрь куни АҚШ нашрлари исми ошкор этилмаган амалдорларга асосланиб, Афғонистонга қўшинлар киритилганидан 17 йил ўтиб, Пентагон у ердаги 14 минг америкалик ҳарбий хизматчидан 7 мингга яқинини чақириб олишни режалаштираётгани ҳақида хабар берган эди.
Худди шу куни АҚШ мудофаа вазири Жеймс Меттис истеъфо бериши маълум бўлди. ОАВ вазирнинг истеъфосини унинг президент Дональд Трамп билан, жумладан, Сурия ва Афғонистондан қўшинларни олиб чиқиш масаласида келиша олмагани билан боғлади.
Изоҳ (0)