Мудофаа вазирлиги ҳарбий оркестри қорбобо кийимида Тошкент кўчаларини айланмоқда (видео)

Ўзбекистон Мудофаа вазирлиги Марказий ҳарбий оркестри томонидан Тошкент шаҳри аҳолиси ва меҳмонлари учун Янги йил айёмига байрамона концерт дастурлари туҳфа этилмоқда. Бу ҳақда вазирлик матбуот хизмати «Дарё»га маълум қилди.

Концертнинг дастлабкиси кеча, 27 декабрь куни пойтахтнинг Мустақиллик шоҳ кўчасидаги Ёшлар ижод саройи ёнидаги очиқ майдонга ўрнатилган янги йил байрамининг бош арчаси олдида қорбобо кийимига кийинган ҳарбий санъаткорлар томонидан тақдим этилди.

https://www.instagram.com/p/Br48qD0HA2w/

Эртага, 28 декабрь куни соат 15:00 да Мирзо Улуғбек туманидаги «Экобозор» савдо мажмуи олдида ҳарбий окрестрнинг навбатдаги акцияси бўлиб ўтади.

Шунингдек, ҳарбий оркестрнинг байрамона концерти яна қуйидаги жойларда ўтказилади:

• 29 декабрь куни соат 15:00 да Қўйлиқ массивидаги Compass кўнгилочар савдо мажмуасида;
• 30 декабрь куни соат 15:00 дан 18:00 га қадар пойтахт метрополитени линияларида;
• 31 декабрь куни соат 10:00 да янги йил байрамининг бош арчаси олдида (мўлжал Ёшлар ижод саройи).