Президентнинг тегишли қарори билан Ўзбекистонда 2019 — 2022 йилларда юқумли бўлмаган касалликлар профилактикаси, аҳолининг соғлом турмуш тарзини қўллаб-қувватлаш ва жисмоний фаоллиги даражасини ошириш концепцияси ва дастури тасдиқланди. Бу ҳақда «Халқ сўзи» хабар берди.
Бу муддат давомида нималарга эришилади? Буни Бош прокуратура ҳузуридаги Ахборот-таҳлил мультимедиа маркази томонидан келтирилган қуйидаги рақамлар билан изоҳлаш мумкин:
Аҳолининг мева ва сабзавотларни истеъмол қилиш ҳажми 15 фоизга ошади;
Ош тузининг истеъмоли 15 фоиз, алкоголь ва тамаки маҳсулотлар истеъмоли 10 фоизга камаяди;
Ноинфексион касалликларни даволаш, тиббиёт муассасаларини диагностика ускуналари ва дорилар билан таъминлаш даражаси 50 фоизга етади;
Юқори хавфли ва ноинфексион касалликларга чалинган беморларнинг камида 50 фоизи тегишли терапия ва консултациялар билан таъминланади;
Аҳолининг юрак-қон томир касалликлари, қандли диабет ва сурункали респиратор касалликлардан эрта ўлими 10 фоизга камайишига эришилади.
Изоҳ (0)