Ержон Сақлапов 2007 йил 24 март куни Қорақалпоғистон Республикаси Қўнғирот туманида туғилган. У 2018 йил 12 июлидан буён ўткир промиелоситар лейкоз, оққон касаллигининг 1-фаол даврини бошдан кечирмоқда.
Болакай ҳозирда Гематология ва қон қуйиш илмий-текшириш институтининг онкогематология марказий шифохонасида даволанмоқда.
«Ўғлим Ержоннинг аҳволи июль ойидан кундан кунга ёмонлашиб борарди. Қорақалпоғистондаги Гематология шифохонасида беш кун даволанди. Лекин аҳволи ўзгармади.
Шу сабаб Қорақалпоғистондаги шифокорлар Тошкентдаги гематология ва қон қуйиш илмий текшириш институти клиникасига олиб боришимизни айтди. Қўлимиздаги озроқ маблағ билан Тошкентга келдик. Дорилари жуда қимматлиги боис кимё терапияни биринчи курсидаёқ қарз олишга тўғри келди. Турмуш ўртоғим ишлайди, ойига 600 минг сўм миқдорида маош олади. Бу маблағ кредит тўловига тўланади.
Дастлабки асосий даволаниш курси учун 6 минг АҚШ долларидан ортиқ маблағ сарфланиб, кейинги ҳар бир курсларига 20 миллионга яқин маблағ кетяпти», — деди онаси Роза Султанова.
Оғир дард оиланинг иқтисодий аҳволини ҳам танг аҳволга солиб қўйди. Фарзандим тузалсин, дея унинг ота-онаси танишлари ва қариндошларидан қарз-ҳавола қилиб бўлса-да, кимё терапия ёрдамида даволанишнинг тўрт курсини ўз вақтида ўтаган. Навбатда асосий курсдан биттаси тугагандан кейин қўшимча қўллаб-қувватловчи курслари бошланади ва бу курс икки йил давом этади.
Ержонбекнинг аҳволида ижобий ўзгаришлар кўзга ташланмоқда.Энди унинг навбатда ўта муҳим ва жиддий даволаниш курслари кутиб турибди.
Оила қаттиқ синов қаршисида қолган. Шу пайтгача оила турли дорихоналардан олинган дори-дармонлардан, танишлардан 25 миллион сўмга яқин қарз ҳам бўлиб қолишган. Ержонни даволатиш учун банкдан 17 миллион сўм миқдорида кредит олишга мажбур бўлишган. Ҳар ой 565 минг сўм тўлашлари ва уч йил муддатда олинган кредит тўловини тўлашлари зарурлиги курсларни давом эттиришга тўсқинлик килиб, оилани ночор ахволга тушириб қўйган.
Ержоннинг батамом тўла даволаниш курсини ўтаб, соғайиш йўлига кириши учун энди уларга жуда катта маблағ зарур бўлмоқда. Оиланинг бор умиди яхши инсонлардан.
Саховатпеша, савобталаб ҳамюртларимиздан 11 ёшдан ошган Ержонга имкон қадар холис моддий ёрдам қўлини чўзишни, унинг даволанишига, курсларини давом эттириб соғайиб кетишига ҳисса қўшишни сўраймиз.
Ержон Сақлаповга хайрия ёрдами кўрсатмоқчи бўлганларга :
Пластик карта орқали:(Click, Payme )
Миллий банк: 8600 0602 2920 2362
(Онаси Султанова Роза номида)
Хориждан маблағ юбормоқчи бўлганлар учун паспорт малумотлари:
СУЛТАНОВА РОЗА РЕЖЕБОВНА
Паспорт рақами: КА 0749902
Онаси Роза опанинг телефон рақами: +99891 377 38 81
Изоҳ (0)