Қорақалпоғистон божхона бошқармасига қарашли «Даут-ата» чегара божхона пости орқали кириб келган фуқаро Х.Н. оғзаки сўровда айтилмаган ва божхона декларациясида кўрсатилмаган, ҳеч қандай ҳужжатлари бўлмаган 393 қути «Экстраслим» номли дори воситаларини Ўзбекистонга ноқонуний олиб кираётганлиги аниқланди. Бу ҳақда «Дарё»га Божхона қўмитаси ахборот хизмати хабар берди.
Уларнинг жами қиймати 7 миллион сўмдан ортиқ бўлган.
Шунингдек, мазкур чегара божхона пости ва Контрабанда ва божхона қонунчилиги бузилишига қарши курашиш бўлими ходимлари томонидан Қозоғистондан Ўзбекистонга кириб келган автомобиллар божхона кўригидан ўтказилганида Ўзбекистон фуқароси С.И. олиб кириш меъёрларидан ортиқча бўлган, оғзаки сўровда айтилмаган ва божхона декларациясида кўрсатилмаган, жами қиймати салкам 9 миллионлик 45 хил турдаги парфюмерия маҳсулотларини ҳеч қандай ҳужжатларсиз мамлакатга олиб киришга уринаётганлиги аниқланди.
Ҳозирда мазкур ҳолатлар юзасидан божхона текширувлари давом эттирилмоқда.
Изоҳ (0)