Россиялик артист, ҳажвий ёзувчи Лион Измайлов Ўзбекистонда хизмат кўрсатган артист Обид Асомовнинг вафоти муносабати билан қизиқчини хотирлаб, у билан Тошкентда кўришгани ва унга ўз ватанида қандай муносабатда бўлишгани ҳақида гапирди, деб ёзади Sputnik.
Измайловнинг сўзларига кўра, Обид Асомовнинг Ўзбекистондаги машҳурлиги жуда юқори даражада бўлган.
«Биз Тошкентга кўп бора келганмиз, 2000 йиллар бошида уч киши — мен, Николай Лукинский ва Регина Дубовицкая у ерда меҳмон бўлганмиз… Асомов бизни кутиб олиб, ҳамма жойда олиб юрган ва шаҳарни айлантирган эди. Эсимда, бозорга кирганимизда атрофимизда одамлар тўплана бошлади — дастлаб 50 киши, кейин юз, сўнг икки юз. Асомовни кўриш учун барча расталардан кела бошлашди. Мен унинг қўлини ушлаб олиб, қочиб қолишимизни, акс ҳолда бизни ўтказиб юбормасликларини айтгандим», — дея эслади Измайлов.
Қизиқчининг қўшимча қилишича, у Асомовни ўз дастурига таклиф қилганида, унинг чиқиши омма орасида катта муваффақият қозонган.
Эслатиб ўтамиз, Ўзбекистонда хизмат кўрсатган артист, таниқли сўз устаси Обид Асомов 14 декабрь куни Тошкентдаги 1-шаҳар клиник шифохонасида вафот этди.
Изоҳ (0)