«Ўзбекконцерт» хонанда Шаҳло Аҳмедованинг «Летние дожди» деб номланган видео клипида «Миллий маънавиятимизга ёт бўлган, томошабинларнинг эътиборини жалб этиш учун халқимиз менталитетига зид, шарқона одоб-ахлоқ меъёрларига тўғри келмайдиган ҳаракатлардан ҳам тап тортмай, йигит ва қизнинг ишқий кечинмаларини очиқ-ошкора ифода этиб, буни андишасизларча тасвирга олиб кенг оммага намойиш этган»и учун лицензиясини бекор қилган эди.
Ўзбекистонда хизмат кўрсатган артист Лола Аҳмедова журналист Феруз Муҳаммадга берган интервьюсида синглиси Шаҳло Аҳмедова клипни ўзбек телеканалларида эфирга бериш нияти бўлмагани ва ўзига ҳам мухлислар томонидан тана тошлари отилаётгани ҳақида гапириб берди.
Шаҳло ‘мен бундай бўлишини кутмаган эдим’, дейди. Биласизми, Шаҳло ҳар бир нарсани жуда ҳам тўғри тушунгани, фикрлагани учун ‘мен бу нарсани кутмаган эдим, ҳақиқатан мен шокдаман, нимага бунақа бўлди экан’, дейди. Ваҳоланки мен бу клипни суратга олганим билан, клипни ўзбек телеканалларида эфирга бериш ниятим йўқ эди. Шунчаки ўзимни Youtube’даги каналимда намойиш қилдим, холос, демоқда. Ҳайрон қолдим, нега бунча танқидлар, ёмон кўришлар бўлмоқда. Ҳаттоки менга ҳам шуни орқасидан тана тошлари отилмоқда, ‘наҳотки Лолахон сизнинг хабарингиз йўқ, наҳотки сиз бунга йўл қўйдингиз’, деган тана тошлари менга ҳам отилди.Лола Аҳмедова, Ўзбекистонда хизмат кўрсатган артист
Изоҳ (0)