Бразилиянинг «Сантос» клуби 2019 йилдан бошлаб Аргентина терма жамоаси собиқ бош мураббийи Хорхе Сампаоли қўл остида майдонга тушади. Бу ҳақда «РИА Новости» хабар беради.
«Сантос» матбуот хизмати хабарига кўра, томонлар 58 ёшли аргентиналик мутахассисни жамоа бош мураббийи лавозимига тайинлаш тўғрисидаги муҳим келишувга эришди. Шартноманинг якуний шартлари яқин кунларда ҳал қилинади. Қайд этиш жоиз, жорий мавсумда «Сантос» Бразилия чемпионатида 10-ўринни эгаллаган.
Эслатиб ўтамиз, Сампаоли 2017 йилнинг майидан то 2018 йил июль ойигача Аргентина терма жамоасида фаолият олиб борган. Унинг мураббийлиги остида аргентиналиклар шу йил Россияда бўлиб ўтган Жаҳон Чемпионатида 1/8 финалгача бориб, амалдаги жаҳон чемпиони Франция терма жамоасига мағлуб бўлди — 3:4.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)