13 декабрь, пайшанба куни Европа Лигаси гуруҳ босқичининг 6-турида Лондоннинг «Арсенал» клуби «Қорабоғ»ни кичик ҳисобда енгди — 1:0.
Squawka’нинг ёзишича, лондонликлар жорий мавсум барча мусобақаларда кетма-кет 22 та учрашувда мағлуб бўлмади.
Клуб бу вақтда 17 ғалаба ва 5 марта дуранг натижани қайд этди.
Шунингдек, Унаи Эмери жамоаси Европа Лигаси гуруҳ босқичида кетма-кет 5 та ўйинда ўз дарвозаси дахлсизлигини сақлаб қолиб, мусобақа рекордини такрорлади.
Бундай натижани аввал фақат «Наполи» ва «Зальцбург» қайд этганди. «Арсенал» «Қорабоғ»га қарши икки ўйинда (3:0, 1:0), «Спортинг»га қарши икки учрашув (1:0, 0:0) ва «Ворскла»га қарши баҳсда (3:0) ўз дарвозаси дахлсизлигини сақлаб қолишга эришди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)