ПФЛ бугун Суперлиганинг энг яхшиларини тақдирлайди

14 декабрь, жума куни Профессионал футбол лигаси ортда қолган мавсумдаги Суперлиганинг энг яхшиларини тақдирлайди.

Ташкилот қуйидаги номинацияларда совринларни топшириши кўзда тутилган:

• Ўзбекистон чемпионатининг энг яхши футболчиси;
• Ўзбекистон чемпионатининг энг яхши мураббийи;
• Ўзбекистон чемпионатининг энг яхши дарвозабони;
• Ўзбекистон чемпионатининг энг чиройли голи;
• PEPSI Суперлига-2018 тўпурари;
• Ўзбекистон чемпионатининг энг яхши ёш футболчиси;
• Ўзбекистон чемпионатининг энг яхши аёл футболчиси;
• Ўзбекистон чемпионатининг энг яхши футзалчиси;
• Fair Play соврини;
• Профессионал футбол лигаси махсус соврини.

Шунингдек, йил якунларига бағишланган тантанали маросимда мавсум давомида ўз соҳаси бўйича қолган клубларга ўрнак бўла оладиган тарзда фаолият олиб борган энг яхши матбуот хизмати, энг яхши маркетинг хизмати ва қолаверса, мухлислар билан ишлашда яхши натижаларга эришган фан-клублар ҳам алоҳида тақдирланади.

Йилнинг энг чиройли голи совринига даъвогарлар:

• Азизбек Ҳайдаров – («Бунёдкор» – «Локомотив» ўйинида)
• Игорь Йелич – («Локомотив» – «Пахтакор» ўйинида)
• Санъат Шихов – («Бухоро» – «Металлург» ўйинида)
• Шерзод Ҳакимов – («Бунёдкор» – «Нефтчи» ўйинида)
• Иван Нагаев – («Қизилқум» – ОКМК ўйинида)

Йилнинг энг яхши ёш ўйинчиси бўлишга даъвогарлар:

• Остон Ўрунов («Навбаҳор»)
• Бобир Абдуҳолиқов («Насаф»)
• Жасур Жалолиддинов («Бунёдкор»)

Йилнинг энг яхши аёл футболчиси совринига даъвогарлар:

• Камила Зарипова (ОКМК)
• Людмила Карачик («Бунёдкор»)
• Нилуфар Қудратова («Севинч»)

Йилнинг энг яхши мураббийи бўлишга даъвогарлар:

• Миржалол Қосимов («Бунёдкор»)
• Бахтиёр Ашурматов (ОКМК)
• Андрей Фёдоров («Локомотив»)

Йилнинг энг яхши дарвозабони совринига даъвогарлар:

• Ўткир Юсупов («Қўқон-1912»)
• Элдор Суюнов («Пахтакор»)
• Игнатий Нестеров («Локомотив»)

Йилнинг энг яхши футболчиси бўлишга даъвогарлар:

• Марат Бикмаев («Локомотив»)
• Тиаго Безерра («Пахтакор»)
• Жавлон Иброҳимов («Бунёдкор»)