Шу йилнинг 5 декабрида Халқаро Молия Корпорациясининг (ХМК) навбатдаги, миллий валютада ифодаланган «Самарқанд» облигациялари Лондон фонд биржасида (London Stock Exchange) жойлаштирилди. Бу ҳақда Марказий банк хабарида айтилади.
Муддати 1 йил бўлган облигацияларнинг умумий қиймати – 123 миллиард сўм, фоиз ставкаси эса 9,45%ни ташкил этади.
Облигацияларни жойлаштиришдан олинган маблағлар «Ипак Йўли» АИTБ банки томонидан кичик бизнес ва хусусий тадбиркорликни қўллаб-қувватлашга йўналтирилади.
Бундан олдин ХМК Лондон фонд биржасида уч марта - муддати 2 йил, умумий қиймати 240 млрд. сўм бўлган "Самарқанд" облигацияларни 9,45%-9,5% ставкалари билан жойлаштирган эди. Олинган маблағлар Hamkorbank АТБ банкининг кичик бизнес субъэктлари лойиҳаларини молиялаштириш имкониятларини кенгайтиришга қаратилган эди.
Изоҳ (0)