Forbes журнали 2018 йилда YouTube’да энг кўп даромад олган блогерлар рўйхатини эълон қилди. Унга 22 миллион АҚШ доллар даромад билан етти ёшли америкалик Райан бошчилик қилди. Унинг ўйинчоқлар ҳақидаги Ryan Toys Reviyew каналини 17,3 миллион обуначи кузатади. Бу ҳақда «Дожд» нашри хабар берди.
Рўйхатнинг иккинчи поғонасидан америкалик актор Жейк Пол жой олди. Унинг даромади 21,5 миллион АҚШ долларни ташкил қилди. Пол ўз каналига клипларини жойлайди, каналининг 17,5 миллион обуначиси бор. Учинчи ўринни Dude Perfect канали муаллифлари ўз спорт ҳаракатлари билан эгаллади. Уларнинг йиллик даромади 20 миллион АҚШ долларни ташкил қилди. Каналнинг 36,8 миллион обуначиси бор.Кучли бешликка шунингдек, блогер Дэн Миддлтон 18,5 миллион АҚШ доллар даромади билан кирди. Унинг видео ўйинлар ҳақидаги DanTDM каналига 20,7 миллион киши обуна бўлган. Бешинчи ўрин — хонанда ва услубчи Жеффри Старада. Унинг канали мода ва услубга бағишланган бўлиб, унга 11,4 миллион киши обуна. Унинг йиллик даромади 18 миллион АҚШ доллар.Бир йил аввал Forbes Дэн Миддлтонни энг кўп ҳақ тўланадиган блогер деб эълон қилган, 2017 йилда у 16,5 миллион АҚШ доллар ишлаган.
Изоҳ (0)