Қатар 2019 йилнинг январь ойида нефтни экспорт қилувчи мамлакатлар ташкилоти (ОПЕК)дан чиқиб кетади. Бу ҳақда Al Jazeera хабар берди.
Ушбу қарорни Қатар энергетика вазири дунё бозоридаги ролини ҳамда узоқ муддатли стратегиясини қайта кўриб чиқиш мақсадида қабул қилганини маълум қилди.Қатар Петролеум нефтгаз корпорацияси ушбу қарорни тасдиқлади. Қатар яқин йилларда газ қазиб олишни йилига 77 миллион тоннадан 110 миллион тоннага оширмоқчи. Мамлакатда ўсиш стратегияси ишлаб чиқилди улар ўзларининг етакчи газ қазиб олувчи позициясини мустаҳкамламоқчи.ОПЕКга Қатардан ташқари 14 мамлакат киради. Бу Жазоир, Ангола, Венесуэла, Габон, Эрон, Ироқ, Конго, Қувайт, Ливия, Бирлашган Араб Амирликлари, Нигерия, Саудия Арабистони, Экваториал Гвинея ва Эквадор.2017 йилда ОПЕК ташкилотга кирмайдиган мамлакатлар билан нефть нархини тушиб кетишини тўхтатиш учун нефть қазиб олишни камайтиришга келишиб олди.Декабрда келишув иштирокчилари кейинги йил учун режаларни белгилаши керак.ОАВ тахминига кўра, ОПЕКдан чиқиш Қатарнинг нефть қазиб чиқаришни оширишидан далолат беради. Бу қолган иштирокчиларнинг нархни назорат қилиш бўйича келишувига зид бўлиши мумкин. Қатар — ОПЕК таркибидаги 11-нефть чиқарувчи давлат бўлиб, у октябрда бир кеча—кундузда 610 минг баррель нефть қазиб олган, бу ташкилот иштирокчиларининг 2% қазиб олган нефти демак.
Изоҳ (0)