2018 йилнинг 28 ноябрь куни Оттава шаҳрида Ўзбекистон—Канада вазирлар сиёсий маслаҳатлашувларининг саккизинчи раунди бўлиб ўтди. Бу ҳақда Ташқи ишлар вазирлиги матбуот хизмати хабар берди.
Ўзбекистон Республикаси Ташқи ишлар вазирининг ўринбосари Дилшод Ахатов ва Канада Ташқи ишлар, савдо ва тараққиёт вазирлигининг Қутб олди минтақаси, Шарқий Европа ва Евросиё масалалари бўйича Бюро бош директори Алисон Ле Клаир икки томонлама ва минтақавий кун тартибининг долзарб масалалари юзасидан батафсил музокаралар ўтказди.Унда 2017 йилнинг октябрь ойида Тошкент шаҳрида бўлиб ўтган ташқи сиёсий маслаҳатлашувларнинг олдинги раунди доирасида эришилган келишувларни амалга ошириш жараёни юзасидан фикр алмашилди.Музокараларда савдо-иқтисодий алоқаларни кенгайтириш, товарлар ва хизматларнинг ўзаро етказиб берилишини рағбатлантириш, инвестиция учун зарур шарт-шароитларни яратиш ҳамда туристлар оқимини ошириш учун чоралар қабул қилишга томонларнинг тайёрлиги қайд этилди.Делегация 27 ноябрь куни Нью-Йорк шаҳрида БМТ шафелигида иш бошлаган, Оролбўйи минтақаси учун инсон хавфсизлиги бўйича кўп томонлама траст фонди доирасида ҳамкорликни йўлга қўйиш юзасидан келишиб олди.Шу куннинг ўзида Ўзбекистон делегацияси Канада ташқи ишлар вазири ўринбосари Иан Шугарт билан музокара ўтказди.
Суҳбат чоғида вазирликлараро сиёсий маслаҳатлашувлар натижалари сарҳисоб қилинди ва устувор йўналишлардаги ҳамкорликни янада ривожлантириш истиқболлари кўриб чиқилди.Оттава шаҳрига ташриф доирасида Ўзбекистон делегацияси Канада Парламентида бўлди ва Жамоалар палатаси аъзоси Зияд Або ул-Таиф бошчилигидаги «Канада-Ўзбекистон» дўстлик гуруҳи аъзолари билан учрашди. Канада ташқи ишлар вазирининг парламентдаги котиби Андре Лесли билан алоҳида учрашув бўлиб ўтди. Суҳбат чоғида Ўзбекистон-Канада муносабатларининг устувор йўналишлари муҳокама қилинди.26—27 ноябрь кунлари Монреаль ва Оттава шаҳарларида Канада Экспортни ривожлантириш корпорацияси, Канада Савдони ривожлантириш корпорацияси вакиллари ҳамда Ўзбекистонда бизнес юритишга қизиқиш билдирган мамлакатнинг қатор етакчи компаниялари раҳбарлари билан учрашув ўтказилди.Ўзбекистон делегацияси Канаданинг Евросиё ва Россиядаги ишбилармон ассоциациясида (CERBA) бўлиб, етакчи ишлаб чиқариш ва молия тузилмалари учун Ўзбекистоннинг инвестицион салоҳияти тақдимотини ўтказди.
Изоҳ (0)