Ўзбекистон Бош прокуратураси Жиззах вилояти Дўстлик туманида банкдан катта қарзи бўлган фермернинг ўз жонига қасд қилиши юзасидан изоҳ берди, деб ёзади «Газета.uz».
Фуқаро С. Б. 6 ноябрь куни соат тахминан 11:30 ларда яшаш хонадонининг қўшимча қурилган омборхонасида арқон билан ўзини-ўзи осиб, ўз жонига қасд қилиши натижасида воқеа жойида вафот этган.
Интернет ижтимоий тармоқларида С.Б.нинг ўз жонига қасд қилишига Бош прокуратура ҳузуридаги Мажбурий ижро бюроси ходимлари томонидан мол-мулклари мусодара қилингаи сабаб бўлган кўрсатилган. Шунга асосан, МИБ ходимлари томонидан фуқаронинг уйида ўтказилган ижро ҳаракатларининг қонунийлиги ўрганилди.
Ўрганишда С.Б. 2017 йил ҳосилдорлиги учун ажратилган 104,6 млн имтиёзли кредитдан АТБ «Агробанк» туман филиалидан 58,1 млн сўмлик қарздорлиги мавжуд бўлгани, Дўстлик туманлараро иқтисодий судининг 2017 йил 25 декабрдаги ҳал қилув қарорига кўра, фермер хўжалиги ҳисобидан АТБ «Агробанк» Дўстлик тумани филиали фойдасига 58,1 млн сўм ундириш белгиланган.
Суднинг мазкур қарори 26 январдаги ижро варақаси билан мажбурий ижро бюросининг Дўстлик тумани бўлимига келиб тушган. Давлат ижрочиси Ш. А. 22 февраль куни иш юритувга олган ва қарздор С.Б.га қарздорликни тўлаш учун 5 кунлик ихтиёрий муддат берилган бироқ, қарздорлик тўлаб берилмаган.
Ижрони таъминлаш мақсадида МИБ вилоят бошқармаси бошлиғининг 20 октябрдаги буйруғига асосан 27 октябрь куни бюронинг Жиззах шаҳар бўлими давлат ижрочилари Ш. М. ва О.К. қарздор С.Б.нинг яшаш хонадонига холислар Д.Я. ва Д.Н. билан биргаликда борган ва қарздорнинг уйидан онаси Г. Б. иштирокида ўлчами 3×4 метр бўлган 1 дона гилам далолатномага асосан расмийлаштириб олинган.
Ушбу гилам фермер хўжалиги балансида бўлмагани аниқланиб, 8 ноябрь куни С.Б.нинг оила аъзоларига қайтарилган.
Бундан ташқари, Дўстлик туманлараро иқтисодий судининг 24 октябрдаги ҳал қилув қарорига кўра фермер хўжалиги ҳисобидан АТБ «Агробанк» Дўстлик тумани филиали фойдасига 220,1 млн сўм ундириш белгиланган.
Ўрганишда С.Б. 2018 йил ҳосилдорлиги учун ажратилган 271,6 млн имтиёзли кредитдан АТБ «Агробанк» туман филиалидан 220,1 млн сўмлик қарздорлиги мавжуд бўлгани аниқланган.
Суднинг мазкур қарори 24 октябрдаги ижро варақаси билан мажбурий ижро бюросининг Дўстлик тумани бўлимига келиб тушади ва давлат ижрочиси Ш. А. 24 октябрда иш юритувга олиб, қарздорга қарздорликни тўлаш учун 15 кунлик ихтиёрий муддат бериш юзасидан ижро иши қўзғатиш тўғрисида қарор қабул қилинган.
Мазкур ижро иши юзасидан хизмат сафарига юборилган МИБ Жиззах шаҳар бўлими давлат ижрочилари Т.Н. ва Х.М. 5 ноябрда қарздорнинг уйига ажрим билан таништириш ва унинг ижросини таъминлаш учун борганида қарздор уйида бўлмагани сабабли унинг онаси Г. Б.га қарздорликни тўлаши юзасидан тушунтириш берилган.
Жиззах вилояти Мажбурий ижро бюросида «Пахта хом ашёси ва бошоқли дон етиштиришни молиялаштириш тизимини тубдан такомиллаштириш чора-тадбирлари тўғрисида»ги 28 февралдаги президент қарорининг 3-бандида белгиланган пахта хом ашёси ва бошоқли дон етиштирувчи фермер хўжаликларининг 2018 йил 1 январь ҳолатига қарздорликларини тўлаш муддати 3 йилга узайтирилиши ҳақидаги талаблари ва «Суд ҳужжатлари ва бошқа органлар ҳужжатларини ижро этиш тўғрисида»ги қонун талабларига риоя қилинганлигини ўрганиш мақсадида хизмат текшируви ўтказилди.
Текширув натижасида давлат ижрочилари томонидан ғайриқонуний хатти-ҳаракатлар ҳолати ва қонунчилик бузилиши ҳолатлари аниқланмади. Шу билан бирга, гиламни мусодара қилиш чоғида МИБ ходимлари буюмнинг қарздорга тегишлилигини аниқлаш учун мулкни хатлаши керак эди.
Марҳумнинг онаси С.Б. МИБ ходимларининг аввалги икки ташрифи чоғида, гиламни мусодара қилиш ва қайтариш вақтида бўлмаганлигини тасдиқлади, шунингдек, давлат ижрочилари аёлга руҳий ёки жисмоний босим ўтказмаганини маълум қилди. Ушбу ҳолатни марҳумнинг отаси, укаси, турмуш ўртоғи ҳам тасдиқлади.
Текширув ишларини Дўстлик тумани прокуратураси олиб бормоқда.
Изоҳ (0)