Аввал хабар берганимиздек, PROlogue халқаро кинофестивали доирасида «Ёшлар ижод саройи»да «Ўзбек киноси тарихи» фотокўргазмаси очилди. Бу ҳақда «Дарё»га Ёшлар медиа маркази маълум қилди.
Кўргазмада «Ўлим минораси», «Иккинчи хотин», «Қасам», «Бой ила хизмачи», «Маҳаллада дув-дув гап», «Тошкент – нон шаҳри», «Шум бола», «Еттинчи ўқ», «Сиз кимсиз?», «Келинлар қўзғолони», «Ватан», «Сабот» ва бошқа бир қатор миллий фильмларнинг суратларга муҳрланган лаҳзалари акс этган.
—Фотокўргазмани кўриб, ўзбек киносига тамал тошини қўйиб кетган буюк санъаткорлар, устозларни яна бир бор эсладик. Бу фильмларнинг ҳаммаси ўзбек киносининг олтин фондини ташкил қилади, ёшлар тарбиясида ҳам алоҳида ўрин тутади. Бугунги фестиваль фақат санъаткорларники эмас, бутун халқники, ёшларники, томошабинларники. Чунки фестиваль доирасида кўплаб тўлиқ ва қисқа метражли филъмлар намойиш этилади, — деди Ўзбекистон халқ артисти Ёдгор Саъдиев.
Кўргазма залига мониторлар ўрнатилиб, унда фотосуратлар 3D форматида намойиш этилди.
Фотокўргазма 29 ноябрга қадар давом этади.
Изоҳ (0)