Россиялик киноактёр Михаил Пореченков PROlogue 4-халқаро кинофестивали фахрий меҳмонлари рўйхатидан ўрин олди. Бу ҳақда «Дарё»га Ёшлар медиа маркази маълум қилди.
У фестивалнинг ёпилиш маросимида иштирок этади.
Россиялик театр ва кино актёри, кинорежиссёр, сценарийнавис, продюсер, телебошловчи Михаил Пореченков «Миллий хавфсизлик агенти» сериалидаги бош роли орқали машҳур бўлган. Ўзбек томошабинларига Фёдор Бондарчукнинг «9-рота» фильмидаги прапоршик Дигало роли орқали яхши таниш. 2006 йилда «Россияда хизмат кўрсатган артист» унвонини олган.
PROlogue халқаро кинофестивалида Қозоғистон, Исроил, Эрон, Украина, АҚШ, Перу сингари 60 дан ортиқ давлат вакиллари қатнашиш истагини билдирган. Фестиваль 27—30 ноябрь кунлари бўлиб ўтади.
Изоҳ (0)