Тошкентдаги Алишер Навоий номли кино саройида Саид Мухторовнинг «Васият» номли янги драматик фильми илк намойиши бўлиб ўтди. Бу ҳақда «Turon 24» хабар берди.
«Фильм ҳаёт, муҳаббат, оила ҳақида. Кўпчиликнинг сўзига кўра, фильм воқеалари Дилноза Кубаева ҳаётидан олинган эмиш. Аслида ундай эмас. Фильм суратга олинишидан олдин бу ҳақда сўз кетмаган. Лекин шуни айтишим керакки, фильмдаги воқеалар қандайдир жиҳати билан ҳаётимга ўхшашлик бергандек. Балки шу жиҳати билан ҳам фильмдаги саҳналарни юракдан, бутун вужудим билан ижро этишга ҳаракат қилгандирман», — деди бош рол ижрочиси Дилноза Кубаева.
Фильмдаги асосий воқеалар бош қаҳрамоннинг турмуш ўртоғи оғир хасталик туфайли вафот этишидан кейин бошланади.
«Васият»нинг кенг жамоатчилик учун намойиши 23 ноябрдан бошланади.
Изоҳ (0)