Rossiyalik kinoaktyor Mixail Porechenkov PROlogue 4-xalqaro kinofestivali faxriy mehmonlari ro‘yxatidan o‘rin oldi. Bu haqda “Daryo”ga Yoshlar media markazi ma’lum qildi.
U festivalning yopilish marosimida ishtirok etadi.
Rossiyalik teatr va kino aktyori, kinorejissor, ssenariynavis, prodyuser, teleboshlovchi Mixail Porechenkov “Milliy xavfsizlik agenti” serialidagi bosh roli orqali mashhur bo‘lgan. O‘zbek tomoshabinlariga Fyodor Bondarchukning “9-rota” filmidagi praporshik Digalo roli orqali yaxshi tanish. 2006-yilda “Rossiyada xizmat ko‘rsatgan artist” unvonini olgan.
PROlogue xalqaro kinofestivalida Qozog‘iston, Isroil, Eron, Ukraina, AQSh, Peru singari 60 dan ortiq davlat vakillari qatnashish istagini bildirgan. Festival 27—30-noyabr kunlari bo‘lib o‘tadi.
Izoh (0)