Россия агар Халқаро космик станциянинг иши узайтириладиган бўлса, Ер атрофида миллий космик станциясини яратиш режасидан воз кечиши мумкин. Бу ҳақда «РИА Новости» хабар берди.
Таъкидланишича, миллий космик станциянинг яратилиши халқаро космик станциянинг тақдирига боғлиқ. Агар Халқаро космик станция керак эмас деб топилса, миллий станция яратилади. Акс ҳолда, миллий станцияга ҳожат қолмайди.
Халқаро космик станция ишининг 2028—2030 йилгача чўзилиши ҳақидаги қарор яқин вақт ичида қабул қилиниши мумкин.
ХКСни йиғиш 1998 йилда бошланган ва станция ўз ишини 2020 йилда тўхтатиши режалаштирилган. Айни вақтда унинг эксплуатацияси 2024 йилгача узайтирилган, унинг ишини яна тўрт йилга чўзиш имконияти муҳокама қилинмоқда. ХКС бўйича асосий ҳамкорлар Россия, АҚШ, Европа, Япония ва Канада ҳисобланади.