Россиянинг Астрахань вилояти Нариманов туманидаги трассада Lada Largus автомобили ағдарилиб кетиши натижасида беш киши жабрланди, деб хабар беради «Podrobno.uz».
Машинани 35 ёшли Ўзбекистон фуқароси бошқарган, у йўлдан четга чиқиб кетиб, ёнма-ён йўналишнинг чеккасига бориб урилган, шундан кейин машина ағдарилиб кетган. Ҳайдовчи рулни бошқараётиб ухлаб қолгани айтилмоқда.
Автоҳалокат натижасида ҳайдовчи лат еди. Тўрт йўловчи ҳам шикастланди: 42 ёшли аёлга бош мия чайқалиши, кўкрак қафаси лат шикастланиши ташхиси қўйилди, шунингдек, умуртқанинг бўйин бўлими синган бўлиши мумкин; 42 ёшли эркакнинг турли органлари шикастланди; 43 ёшли эркакнинг бурни бир нечта жойидан синди; 58 ёшли аёлда эса бош суяк-мия травмаси қайд этилди. Уларнинг барчаси касалхонага етказилди.
Ҳодиса юзасидан маъмурий текширув олиб борилмоқда.
Изоҳ (0)