Украинанинг «Орёл и решка» кўрсатуви ижодкорлари кўрсатувнинг навбатдаги сонини Ўзбекистонда суратга олаётганида қатор муаммоларга дуч келгани, хусусан уларга метрода тасвирга олишга рухсат берилмагани ҳақида хабар берилган эди. Кўрсатувнинг ушбу сони 11 ноябрь куни YouTube’га жойлаштирилди.
ЎзА «Тошкент метрополитени» унитар корхонаси ҳаракат хизмати бошлиғи Султон Қодиров билан суҳбатда қандай ҳолларда метро ичида суратга тушиб бўлмаслигига ойдинлик киритди.
«Бугун метродан фойдаланувчилар бошқа йўловчиларга зиёни тегмаган ҳолда суратга тушишлари мумкин. Хоҳлаган вақтида ушбу расмларини ижтимоий тармоқларда тарғиб қилишлари, тарқатишлари ҳам тақиқланмаган. Бу эса бизга туризмни тарғиб қилишда яхши самара бермоқда. Аввал рухсат берилмаганлигининг асосий сабаби ноўрин расмлар четга чиқиб кетмаслиги, метрополитен фаолиятига зарар келтирувчи суратлар тарғиб қилинмаслиги учун белгиланган тартибда тақиқлар бор эди. Аммо метрополитен ичида суратга тушиш мумкин дегани, тартибни бузиш, шовқин кўтариш, маъмуриятининг рухсатисиз видеоёзувчи ва бошқа мобил-электрон мосламалари (мобил телефон, смартфон, планшет ва бошқалар) орқали кино – фотосуратга олиш, шунингдек, товуш чиқарувчи ва бошқа техникадан, магнитофон, радиоприёмник эшитиш мосламалари билан ёки уларсиз ҳамда чолғу асбобларидан фойдаланиш, жамоат тартибига хавф солувчи омилларни келтириб чиқариш дегани эмас», — дейди «Тошкент метрополитени» унитар корхонаси ҳаракат хизмати бошлиғи Султон Қодиров.
Изоҳ (0)