Ўзбекистон Олий суди ишчи гуруҳи Сурхондарё вилоятида сайёр қабул ўтказди. Бу ҳақда Олий суд матбуот хизмати хабар бермоқда.
Сайёр қабуллар жорий йилнинг 6—7 ноябрь кунлари Сурхондарё вилоятининг бир нечта туманларида ўтказилди. Шунингдек, барча ҳуқуқни муҳофаза қилувчи органларнинг туман (шаҳар) раҳбарлари ҳамда жамоатчилик ташкилотларининг раҳбарлари иштирокида ҳуқуқбузарликлар профилактикаси ва жиноятларни олдини олиш юзасидан олиб борилаётган ишлар юзасидан тезкор йиғилиш ўтказилди.
Ўзбекистон Республикаси Олий суди ишчи гуруҳи томонидан вилоят халқ қабулхонасининг мажлислар залида ҳуқуқни муҳофаза қилувчи орган раҳбарлари ҳамда жамоатчилик ташкилотларининг раҳбарлари иштирокида тезкор йиғилиш ўтказилди.
Йиғилишда, вилоят прокурорининг 1-ўринбосари О.Шомуродов, вилоят ИИБ бошлиғи ўринбосари К.Ғаффоров, Ангор, Жарқўрғон, Шеробод, Термиз тумани ва Термиз шаҳар ИИБ бошлиғининг ўринбосарлари, шу туманлардаги Хотин-қизлар қўмитаси, фуқароларнинг ўзини ўзи бошқариш органи, Ёшлар иттифоқи ва Нуронийлар кенгаши раҳбарлари иштирок этди.
Йиғилишда, юқорида қайд этилган туманларда жиноятчилик аҳволи, олдинги йилларга нисбатан кескин ошган жиноятларни келгусида содир этилишини олдини олиш мақсадида ишлаб чиқилган чора-тадбирлар ва амалга оширилаётган ишлар, жиноятларни олдини олишда ва судларда ишларни кўриб чиқишда жамоатчиликнинг иштироки, аёллар ва вояга етмаганлар томонидан жиноятларни содир этилишига туртки бўлган ҳолатлар ҳамда ишсизлар томонидан содир этилаётган жиноятлар муҳокама этилиб, мазкур ҳолатлар ҳар бир туман мисолида таҳлил қилингач, келгусида зудлик билан амалга оширилиши зарур бўлган аниқ топшириқлар берилди.
Тезкор йиғилиш якунлангач, ишчи гуруҳ томонидан Ангор, Жарқўрғон, Шеробод, Термиз тумани ва Термиз шаҳридан келган жами 79 нафар фуқаро қабул қилинди.
Қабул бошланишидан олдин фуқароларга мурожаат этиш тартиблари, кўриб чиқиладиган масалалар, мурожаат билан бирга тақдим этилиши лозим бўлган ҳужжатлар юзасидан тушунтириш берилди.
Фуқаролар ишчи гуруҳ аъзолари томонидан қабул қилиниб, уларнинг мурожаатлари эшитилди.
Фуқароларнинг 34 нафари жиноят судларининг, 10 нафари фуқаролик судларини, 9 нафари маъмурий судларнинг чиқарган қарорларидан норози бўлиб мурожаат этган бўлса, 26 нафар фуқаро судга оид бошқа масалалар юзасидан мурожаат этди.
Суд қарорларининг ижросини вақтинча тўхтатиб туриш юзасидан мурожаат этган 2 нафар фуқаронинг мурожаати қаноатлантирилиб, шу ҳақда хат берилди.
Судга оид бошқа масалалар юзасидан мурожаат қилган 13 нафар фуқарога қонунда белгиланган тартибда шикоят қилиш тартиблари тушунтирилди.
4 нафар фуқаронинг мурожаати назоратга олиниб тегишлилиги бўйича бошқа ташкилотларга юборилди.
Изоҳ (0)