13 ноябрь, сешанба куни Алишер Навоий номидаги Тошкент давлат ўзбек тили ва адабиёти университетига Қирғизстондаги Манас қирғиз-турк университети ректори, профессор Себаҳаттин Балчи ҳамда университет проректори, профессор Ҳусейн Ўгут ташриф буюрди, деб хабар беради университер матбуот хизмати.
Ташрифдан кўзланган асосий мақсад икки олий ўқув юрти ўртасида мустаҳкам ҳамкорлик алоқаларини ўрнатиш ва туркий халқлар тили ва адабиётига доир тадқиқот ишларини қўллаб-қувватлашдан иборат.
ТошДЎТАУ проректори Иномжон Азимов меҳмонлар билан суҳбатда Манас университети ва Ўзбек тили ва адабиёти университети ўртасидаги ҳамкорлик келгусида натижалар беришини қайд этди. Томонлар яқин келажакда талабаларнинг ёзги мактабларга ташрифини уюштириш, академ алмашинув асосида кадрлар тайёрлаш ва профессор-ўқитувчиларнинг ўзаро тажриба алмашишларини назарда тутган келишувга имзо чекди.
Изоҳ (0)