Қозоғистон телекоммуникация хизматларини тақдим этиш учун «KazSat-2R» космик алоқа тизимидан фойдаланишни режалаштирмоқда. Бу ҳақда Қозоғистоннинг мудофаа ва аэрокосмик саноат вазирлигига таяниб, Spot хабар қилди.
Янги телекоммуникация йўлдоши «KazSat-2» космик аппаратини режали алмаштириш учун яратилмоқда, унинг фаол мавжуд бўлиши 2023 йил ноябрда тугайди.
Лойиҳа устида 2016 йилдан буён ишланмоқда, ҳозирги вақтда мутахассислар космик алоқа тизимини яратиш ва ишга тушириш учун молиявий-иқтисодий асослаш ва техник топшириқларни тайёрламоқда.
«‘KazSat-2R’ космик қурилмасининг манбалари қайд қилинган йўлдош алоқа каналларини ташкил этиш учун ишлатилади. Бу — ҳар ерда мавжуд бўладиган кенг полосали уланишни, шу жумладан, мамлакатнинг чекка қишлоқ аҳоли пунктларини, шунингдек, чегарадош давлатлар — Тожикистон, Ўзбекистон, Қирғизистоннинг охирги фойдаланувчиларига (давлат органлари, ҳуқуқни муҳофаза қилиш идоралари, корпоратив ва хусусий сектор) телекоммуникация хизматларини тақдим этиш имконини беради», —дейилади хабарда.
Ҳозирги вақтда «KazSat-2» ва «KazSat-3» космик аппаратлари муваффақиятли ишламоқда, уларнинг ресурсларидан 15 та сунъий йўлдош операторлари фойдаланмоқда. Қозоғистон бўйлаб 11 мингдан ортиқ сунъий йўлдош алоқа станциялари мавжуд.
Изоҳ (0)